WEBTIME இணைய நேரம் தமிழ்த் தளம்

உலகில் மனிதராய் பிறந்த ஆண் பெண் ஆகிய எல்லோரும் குழந்தைப் பிராயத்தில் தாயின் அரவணைப்பிலே இருக்கின்றார்களள் ஆகவே குழந்தைகள் மனித சமூதாயத்தில் நல்ல அறிவாளிகளாகவும் அல்லது முட்டாள்களாவதும் குணசாலியாவதும் அல்லது தீயோனாவதும் பலசாலியாவதும் நோயாளியாவதும் அல்லது சுயனலம் தேடும் மனிதர்கள் ஆவதும் அந்தத்தாய் கொடுக்கும் பயிற்சியே முக்கிய ஆதாரம் என்பதில் எதிவித சந்தேகமும் இல்லை தாயைப் போல பிள்ளை என்ற பழமொழி பொய்ப்பதில்லை தாய்மார்கள் குழந்தைகளுக்கு தேசப்பற்றையும் தாய் மொழி மேன்மைகளையும் எடுத்துச்சொல்லி தேசாபிமானத்தின் பேரில் உண்டான விருப்பாக அவர்களுக்கு சிறுவயதில் இருந்தே மனதில் பதியவைக்க தாய்மார்கள் முயற்ச்சிக்க வேண்டும் அது குழந்தைகளுக்கு பால்ய வழக்கமாகிவிடும் தொட்டில் பழக்கம் சுடுகாடு மட்டும் என்றபடி அவர்கள் மனதில் இருந்து எப்போதும் நீங்கமாட்டாது குழந்தையிலே ஒரு தாய் நல்ல பழக்கங்களை சொல்லிச்சொல்லி ஊட்டுவாளானால் அவர்களால் நமது தேசம் விடுதலை பெற்று முன்னேறுவதில் தடையேதும் இல்லை மூட நம்பிக்கைகளும் குருட்டுப் பழக்கவழக்கங்களும் நம் தேசத்தை விட்டு விலகவேண்டுமானால் அது நமது தாய்மாரின் உதவியில்லாமல் விலகமாட்டாது நமது பண்பாடுகளையும் நாகரீகங்களையும் பேணிப்பாதுகாப்பது தாயெனும் தெய்வங்களே வீரத்துக்கும் விவேகத்துக்கும் சளைக்காத தாய்மார் வயிற்றில் பிறந்த குழந்தைகளக்கு பயம் உண்டாகலாமா தாய்மார்கள் பயந்தவர்களாக இருப்பார்களானால் அவர்களால் வழர்க்கப்படும் குழந்தைகளும் அடிமைக்குணம் உடையவர்களாக இருப்பார்கள் மானமிழந்தபின் உயிர் வாழ்தல் ஏதடா மகனே என உபதேசம் செய்த தாய்மாரும் நம் தேசத்தில் அக்காலத்தில் வாழ்திருக்கிறார்கள் அன்று தேசம் சுதந்திரத்தை அனுபவித்தது இன்று நமது தேசம் உன்னத நிலையை அடைய வேண்டுமானால் தேசவிடுதலைக்காய் வேண்டிய புத்திமதிகளை தாய்மார்கள் தங்கள் குழந்தைகளுக்கு புகட்டி நமது தமிழ் இனத்துக்கே வீரம் செறிந்த புகழையும் சுதந்திர நாட்டையும் உருவாக்குவார்கள் என்பது எங்கள் எதிர்பாப்பாகும்